معاناة شب سوري

من طرف **سراج** الجمعة فبراير 11, 2011 7:08 pm

مستلقي بتختك ونايم ومطفي الضو ومتغطي بالبطانية بيجي واحد من أهلك بيفتح الباب وبيقول:شونايم؟؟........لأ..عم أرقص............بس الوضع بيوحي أني نايم...

معزومين على بيت جماعة,ولما بتدقو الباب......بيفتح شي فهمان وبيقول بدهشة....هه,شوجيتو؟؟؟.....لاوالله لساتنا عالطريق

,في عجقة بالشارع .... لابس ومتعطروشايل موبايلك ومفاتيح البيت وطالع لبراة البيت,..بيجي حدا من أهلك بيسألك ,شو رايحلك شي مشوار؟؟؟..لاوالله طالع عالسطوح صلح الدش...

حاطط راسك ونازل بهالكتب دراسة,بيجي أبوك أوأمك....عم تدرس؟؟لاوالله....عم غير زيت السيارة

مذيعة بيوم العيد عم تلفلف بالشوارع وتلطي عكم مواطن وتسألن وبنفس الوقت هي بتجاوب:شوبتساوي أول يوم العيد؟أكيدبتروح تزور الأهل والأقارب؟؟؟؟لاوالله بفكرالعب شي دق طميمة وماروح لعندن..

نفس المذيعة بتشوف ولد بالشارع وبتسأله؟..حبيبي بتحب البابا والماما؟..لامابحبن,بحب البوسنة والهرسك...

أشر بأصبعته الكريمة لتكسي,وفعلا وقفلو العينتين,بيسأله:فاضي؟..لأ.....عندي 10طلبات بس وقفت حيونه...

بتطلع بالسرفيس وبتحط هيك وبتطلع(خمسة)وبتعطيها للي قدامك,وبكل برودة بقلك:واحد؟لأ 60؟؟ورجعلي الباقي..

بدك تنزل من السرفيس:عاليمين ..يامعلم....اذا بتريد....عمهلك ....بتتلقى الرد:نازل؟؟ لاوالله بس عم جرب صوتي..