اكسفورد المصطلحات السورية......

من طرف **سراج** الإثنين أغسطس 08, 2011 5:35 am

صدر عدد جديد من قاموس اكسفورد يضم احدث
المصطلحات السورية مع شرح تفصيلي ونبدأ بما يلي :

( بيناتنا )
للتشويق , وتستخدم كمفتاح للدس والنميمة .

(مالك علي يمين )
بداية لكذبة من العيار الثقيل لا تنزل بميزان أو قبان .

[color:e6a9=re ]( وحياتك عالغالي )
دعوة مبطنة لقصف عمر اللي عم يسمع

( بدك الصراحة وللا بنت عما )
اعتراضية لتمرير كذبة بالحجم العائلي (ام الليترين وربع )
وبحرفية عالية .

(الك ولا للديب )
لتحريض النخوة , وتهيئة المستمع نفسيا لدفع مصاري أو
استعارة غرض ما .

(يامرحوم البي )
يجوز استخدامها كموسيقا تصويرية ولزيادة جرعة الاثارة
(استخدمها جيمس بوند بأحد أفلامو )

(مالك بالطويل )
فاصل منشط ضمن حكاية أطول من سيرة عمكون
ابو زيد الهلامي (على قولة جودي ابو خميس )

(محسوبك )
للمنفخة والاستعراض .

(الله يستر عليها )
لازمة في نهاية كل وصلة لنشر عرض بنات الحارة
وصديقاتهن وقريباتهن وأنسبائهن .

(سيدي ماعلينا )
شارة معتمدة في ختام مسلسل نميمة من ثلاثين حلقة .

(مع احترامي الك )
وغالبا تعني (يا ...) بطريقة مهذبة .

(اشتهيناك معنا )
للنكاية , ويجوز استخدامها بدلا (من بالناقص منك)

(أنت لسه مابتعرفني )
تستعمل للتخفيف من حدة البهدلة وسواد الوجه .

(ما كذبتلك خبر )
تأكيد على كذبة متوسطة المدى .

(اعرف مع مين عم تحكي )
تهديد منتهي الصلاحية لشخص عامل حالو مدعووووم من
شي عامل بوفيه بالوزارة .