الأعراس العربية ......... ؟؟

من طرف **سراج** الأحد أغسطس 28, 2011 11:37 pm

الأعراس الفلسطينية

طبعا لازم قاعة ...

مو مهم بفندق , بنادي , بالشارع

المهم قاعة .....

وطبعا يبدأ العرس بس نسوان .... وكل البنات لابسين أحمر أو دهبي أو فضي ...

وخمسين أم بتلف عالطاولات عم تدور على عروس لابنها ....

واذا مالقت لابنها عروس بالعرس بس تروح عالبيت بتحضر فيديو العرس

مرة ومرتين وعشرة مشان تتأكد انو مانسيت شي

بنت متخباية تحت الطاولة ماشافيتها

والعروس الله لايورجيك شو عامل فيها الصالون .... شوي بتقلب

مهرج .....

وفجأة بيدخل العريس وأبوه وأخواته واولاد عمه

واولاد خاله وكم واحد من

اصحابه الصايعين ..... وكلهم لابسين تياب الشغل ... وهات اللي يطلع لآخر

العرس

===========================

أعراس الامارات :

عرس الرجال متل العزا عنا

وطبعا الكل صايم يومين مشان العشا ...

عرس النسوان شبيه بالحفلات التنكرية اللي منشوفها عالتلفزيون .......

وطبعا لو نزلت مطر عليهم بتصير الأرض كلها ألوان الطيف ........

===============================

أعراس السعوديين :

خيمة كبييييييييييييييييييرة أو قاعة كبييييييييييييييييييييرة ... فيها ألف واحد

لابسين عبايات ..... وكل واحد شايل سيف ومفكر حالو الزير سالم

وبعد هيك بتبدا الحرب مع الرز واللحمة

والله لا يورجيك

الدم للكوع ... .. عفوا الزيت للركب

=======================

أعراس اللبنانيين

ألف بنت وخمسين شب .......... ونص الشباب سكرانة

والمسترة لابسة ميني سكيرت وحفر ........

الشباب بدلات من دون ربطة ......

والقميص مفتوح وسلسال دهب مبين .......

والعروس أكتر وحدة بترقص بالعرس ......

العريس بيرقص مع صاحبته ....... والعروس مع أخوه

وام العروس مع خاله ......

والحياة حلوة ......

========================

أعراس السوريين

العرس صغير

بالكتير 200 شخص لأنه مالحقوا

وعاملينها عالديق لا

تواخذونا ........

وطبعا كل العرس شباب وصبايا .....

وعلى كيفك

والبنات اللي بكونو شادين الهمة بالرقص هنن

من طرف العريس ..... تارة من أهله

وتارة من صاحباته ......

البوفيه عالقد ...... ولازم سيارة الزفة بي ام .......

ومن أول العرس لأخرتو رقصة ودبكة .............