الفرق بين الشب والبنت بالسرفيس

المواقف اللي ممكن تتعرض إلها وانت جوا السيرفيس

وانت طالع ممكن يخبط راسك بالباب لأنو ارتفاعو غلط

فاذا كنتي بنت رح تسمعي : الله الله خير صرلك شي ؟؟؟؟ من كل الركاب و نظرات العالم كلها شفئة و كلن رح يضربو الشوفير لأنو الحق عليه ما اشترا سيرفيس الو اكياس هوا مشان الصدمات

واذا كنت شب فـ رح تسمع العالم عم تضحك وتقول العما ضربو مانو شايف !!!!!!! يالله بيستاهل ..شوف وين كان عم يبصبص

وقت بتسكر الباب بهدوء تبعاً لتعليمات الاعلان اللي موضوع ع الباب وما بيتسكر

اذا كنت بنت … دخيل الله شو هالأنوثة ليك .. حتى عالباب مالها نفس تخبطو
اذا شب …. ليك التشتوش ليك مالو حيل يسكر الباب تفه ع هالجيل

وقت بتسكرو بقوة

اذا كنت بنت … يا حرام اكيد معصبة من شي شغلة الله يعينها
اذا شب …. هششششششش فهمنا انك قبضاي خلعت الباب

وانت ئاعد ممكن يجيك اتصال

اذا كنت بنت ….. ياااااااااخ ما أحلا صوتها نيالو المحظوظ .. ومعها اريكسون يا اخي مزوئة
اذا كنت شب …. تضرب انت واللي داير عليك وطي صوتك صرعتنا والله فهمنا معك موبايل

وقت بيوقفلك الشوفير وما بيكون في معو محلات أصلااً

اذا كنت بنت ما عليك الا انو تنظري نظرة وحدة لأي شب من اللي قاعدين بتلاقيه نط و قعد ع السفنجة اللي بعكس الشوفير

اذا شب دبر حالك ع الدولاب وازا ما عجبك روح مشي .. شه .. نحنا بعمركن كنا نروح عالحسكة مشي


وقت بيكون معك اغراض

اذا بنت ... في مين يطالعلك ياهن وينزلن ويحطن بحضنو اذا بدك والناس شو بتقول بقلبا : يا حرام!! وين اخواتها الشباب يجيبو الاغراض
واذا كنت انت اخوها وجبت الاغراض شو رح يئولو ؟؟ هوهوووووووو تعا حطن بحضننا !!! كلو مشان ما تاخد تاكسي لعما البخل


وقت بتطلع غنية بشعة والصوت قوي

اذا بنت .. الك الحق تقوليلو وطي الصوت ازا بتريد او غير المحطة والعالم رح تقول اي اي غيرا (اكيد في الها ذكرى حزينة بقلبها)
اما اذا شب رح يلتفت عليك الشوفير ويئوي الصوت حبة تانية ورح يئول : ليك هالعالم ليك بدو يشترينا بالخمس ليرات تبعيتو !!!


وئت بدك تعطي الاجار

ما بتفرق بدك تحط ال 7 ليرات بتكون جاي من جزر القمر وهاي الشغلة الوحيدة اللي ما فيها تفرقة عنصرية

وقت بدك تنزل وتقول للشوفير على مهلك وما يسمع

اذا كنت شب بيتطلع فيك اللي حدك وبيقلك بنظرة فوقية : ما سمع صوتك

وبينط التاني بعد ما بتمر جنب بيتك وانت مستغرب انو السرفيس ما عم يفكر يوقف وبيقلك: نازل ؟؟

واذا بنت ما عليكي الا انو تفكري تفكير بالنزلة او تهمسي همس بينك وبين حالك نزلني وسمعي الشباب كلن بصوت واحد :على مهلك على مهلك ….. نزلها …. شو مانك سامع ؟